Komisioni Parlamentar i Ligjeve i ka dërguar Kuvendit një listë prej 9 kandidatësh për pesë anëtarët që do zgjidhen për Këshillin Mbikëqyrës për Zbatimin e Reformës në Drejtësi. Nëntë kandidatët e shqyrtuar sot te ‘Ligjet’ përmbushnin kriteret formale. Komisioni i Ligjeve duhet t’i dërgonte Kuvendit një listë me jo më pak se shtatë kandidatë sipas procedurës.
Pesë anëtarët e Këshillit Mbikëqyrës për Reformën në Drejtësi pritet të votohen nesër gjatë seancës parlamentare. Lista prej nëntë kandidatëve përbëhet nga figura që vijnë nga fusha e avokatisë si dhe nga bota akademike. Kandidatët në garë shprehën javën e kaluar në seancat dëgjimore përpara deputetëve të Komisionit të Ligjeve angazhimin që kishin pasur gjatë procesit të Reformës në Drejtësi, por edhe aftësitë profesionale që kishin për ushtrimin e monitoruesit si anëtar të Komisionit të Pavarur për Koordinimin dhe Monitorimin e organeve të reja.
Emrat e kandidatëve që i kalojnë Kuvendit:
Artan Spahiu
Gëzim Allaraj
Ilir Kadiu
Irna Milo
Lindita Rusmajli
Sajmir Sheri
Sajmir Vishaj
Andi Murataj
Suzana Pasha
