Debat i madh ka plasur në Britani pas postimit te bere nga Presidenti i Shteteve të Bashkuara të Amerikës, Donald Trump, te disa videosh antimyslimane qe postoi ne Twitter.
Kreu i bashkise se Londres, Sadiq Khan ka reaguar ashper pas ketij veprimi te Trump dhe sipas mediave britanke thuhet se ka telefonuar me urgjence kryeministren Theresa May dhe i ka kerkuar te mos e lejoje te vije ne viziten qe ishte planifikuar.
Khan i është bashkuar një numri të politikanëve të tjerë britanikë, të cilët po bëjnë thirrje që Trump të anulojë vizitën në Britani.
Lideri i partisë Liberale-Demokrate, që është në opozitë, Vice Cable ka thënë se partia e tij mbështet një peticion, të publikuar online, përmes së cilit i kërkohet kryeministres Theresa May të anulojë ftesën që Trump të vizitojë Britaninë.
Në ndërkohë, Trump ka reaguar, pasi zëdhënësi i kryeministres May ka thënë se presidenti amerikan kishte bërë “gabim” që ka postuar ato video në rrjetin social Twitter.
“Theresa, mos u përqendro në mua, përqendrohu në terrorizmin radikal islamik që po ndodh brenda Mbretërisë së Bashkuar”, ka shkruar në Twitter, president Trump.
Trump më 29 nëntor ka postuar video anti-myslimane në Twitter, të cilat fillimisht ishin postuar nga një grup britanik iekstremit të djathtë.
Khan ka akuzuar Trumpin se me ripostimin e këtyre videove ka tradhtuar“marrëdhënien e veçantë” në mes të Britanisë dhe Shteteve të Bashkuara.
