Gjykata e Krimëve të Rënda në leximin e pretencës nga prokurori Përparim Kulluri kërkoi denimin me 24 vite burg për Klejvi Docin, 34 vite burg për Markelian Docin dhe me burgim të përjetshëm dënoi Salvatore Letizia.
Kujtojmë që të 3 të pandehurit akuzohen për masakrën e ndodhur në FSHN, ditën kur Tiranën e vizonte kryeministri serb Aleksandër Vuçiç.
Letizia i njohur si killeri i “Camorras” ishte punësuar nga Besnik Sulku për të ekzekutuar Mentor Doçin, të cilin e akuzonte si përgjegjës për vrasjen e të vëllait Durim Sulku në Holandë.
Sulku dhe Letizia i ngritën pritë Doçit pranë Fakultetit të Shkencave të Natyrës pasditen e 27 majit të dy viteve më parë. Në momentin që Doçi u ngjit në makinë bashke më mikun e tij, Gerd Goxhaj në drejtim të tyre u derdhën një breshëri plumbash. Goxhaj mbeti i vrarë në vend, ndërsa Doçi ndërroi jetë pak minuta më vonë.
Dy nipat e tij morën menjëherë hak për vrasjen e xhaxhait.
Markeljan Doçi dhe i vëllai Klejvi ndodheshin në një makinë tjetër, me të cilën lëviznin xhaxhain. Në moment, Markeljan Doçi shkëmbeu zjarr me Besnik Sulkun, derisa e la të vrarë, ndërsa priti policinë t’i vinte prangat.
