Kisha Ortodokse Ruse ka shkurtuar efektivisht marrëdhëniet diplomatike me Patriarkanën e Konstandinopojës, e cila ka autoritet mbi 300 milion të krishterët ortodoksë në botë. Shumë të krishterë ukrainas e kundërshtojnë përkrahjen e perceptuar të Kirill për rebelët e mbështetur nga Rusia në Ukrainën lindore. Ndërsa Kremlini thotë se nuk do të ndërhyjë.
Zëdhënësi Dmitri Peskov tha se: “Sigurisht për Moskën dhe për të gjithë botën ortodokse, skenari i vetëm i preferuar është ruajtja e unitetit të kësaj bote ortodokse”.
Rusia e sheh Kievin si djepin historik të Kishës Ortodokse Ruse.
Zëdhënësi i Kishës Ruse Vladimir Legoida tha se organi qeverisës, Sinodi i Shenjtë, kishte vendosur të pezullonte pjesëmarrjen në të gjitha strukturat e kryesuara ose bashkë-kryesuara nga përfaqësuesit e Patriarkanës së Konstandinopojës. Do të pushojë të gjitha shërbimet e përbashkëta dhe Patriarku Kirill do të ndalojë përmendjen e Patriarkut të Konstandinopojës, Bartolomeu I, në lutjet e tij, thuhet në vendimin e Sinodit.
Metropolitan Hilarion, kreu i departamentit të marrëdhënieve të jashtme të Kishës Ruse, e përshkroi atë si “një thyerje të marrëdhënieve”.
