Gjykata e Korçës ka caktuar sot masën e sigurisë 30 ditë burg për 54-vjeçarin Nizami Bezatin, i cili akuzohet se plagosi me sëpatë ish-dhëndrin e tij.
Ngjarja ndodhi mbrëmjen e së dielës në fshatin Kamenicë, ku i riu me inicialet S. M., u godit nga ish-vjehrri i tij pas një konflikti që siç thotë policia ishte për motive të dobëta.
Pak pas krimit autori i autori i plagosjes u ndalua nga policia, ndërsa dyshohet se prishja e lidhjes me vajzën e tij dhe problemet e lindura pas ndarjes kanë qenë shkaku i ngjarjes.
Njofitimi i Komisariatit të Policisë Korçë pas ngjarjes
Specialistët e Seksionit për Krimet në Komisariatin e Policisë Korçë, bënë kapjen dhe arrestimin në flagrancë të shtetasit:
N. B., 54 vjeç, banues në fshatin Kamenicë.
Arrestimi i tij u bë pasi, më datë 09. 09. 2018, në këtë fshat, për motive të dobëta, ky shtetas ka plagosur rëndë me mjet të mprehtë (sëpatë) ish-bashkëjetuesin e vajzës së tij, shtetasin A. M., 27 vjeç, banues në Kamenicë, i cili pas mjekimit në Spitalin Rajonal Korçë, është transportuar për mjekim më të specializuar në Tiranë.
Materialet i kaluan Prokurorisë pranë Gjykatës së Shkallës së Parë Korçë për veprën penale “Plagosja e rëndë me dashje” parashikuar nga neni 88 i Kodit Penal.
