Ministri i Mbrojtjes i Serbisë, Aleksandar Vulin ka deklaruar se ushtria serbe është e gatshme për çdo urdhër të Presidentit të tyre Aleksandar Vuçiç pasi që ai është komandanti suprem i tyre.
“Presidenti është komandanti suprem i Forcave të Armatosura Serbe dhe çdo gjë që ai urdhëron do të ndërhyjmë, ai mund të urdhërojë përdorimin e ushtrisë, çdo gjë që ai thotë do të zbatohet”, ka deklaruar Vulin.
Ai ka refuzuar të përgjigjet se si do të reagojnë nëse Vuçiç do të sulmohet.
“Mos më pyesni mua, mos më kërkoni mua të pyes. Ju e dini çfarë do të thoja për këtë. Nuk do ta themë atë, por ju e dini se si ne do të reagonim”, ka shtuar Vulin për TV Pink, transmeton Klan Kosova.
Gjatë vizitës dy ditore që Vuçiç po zhvillon në Kosovë, ai kishte plan të vizitonte Skenderajn por kjo gjë nuk iu mundësua nga banorët.
