Policia në Bosnje u përlesh me qindra veteranë të luftës, që protestuan në shenjë pakënaqësie me ligjet që i rregullojnë të drejtat e tyre që burojnë nga konflikti i viteve 1992-95.
Policia me mburoja dhe helmeta përdori sprej djegës kundër protestuesve, disa prejt të cilëve mbanin flamuj ose shkopinj. Mediat lokale thanë se disa vetë u plagosën në incidentin në Sarajevë, përpara se situata të qetësohej, raporton REL.
Veteranët e luftës ankohen se paratë e ndara për ta, përfundojnë në xhepat e atyre që nuk kanë luftuar kurrë. Ata kërkojnë ligje më të rrepta dhe një regjistër të vetëm të luftëtarëve.
