Presidenti i Serbisë, Aleksandër Vuçiq, është takuar sot me ambasadorin e Rusisë, Aleksandër Chepurin, me të cilin kanë diskutuar edhe sa i përket dialogut ndërmjet Kosovës dhe Serbisë në Bruksel.
Vuçiq kishte thënë se është e nevojshme që të arrihet një marrëveshje reale dhe të qëndrueshme që nuk do të cenonte interesat shtetërore të Serbisë, raporton ‘Novosti’, transmeton Gazeta Express.
Ndërkohë Chepurin ka thënë se Rusia vazhdon mbështetjen për Serbinë edhe në Kombet e Bashkuara por edhe në organizatat tjera ndërkombëtare.
Kujtojmë se Vuçiq do të takohet me presidentin Hashim Thaçi në Bruksel me 7 shtator, ndërkohë dy ditë më pas pritet që të realizojë një vizitë në Republikën e Kosovës, ku do të takohet me serbët në veriun e Mitrovicës.
