Policia e Korçës ditën e djeshme ka arrestuar një 29 vjeçar në Devoll. Personit në fjalë gjatë kontrolli iu gjetën disa doza narkotike si dhe 138 fara bimësh Cannabis Sativa.
Drejtoria Vendore e Policisë Korçë
Specialistët e Seksionit për Narkotikët, në Drejtorinë Vendore të Policisë Korçë, bënë kapjen dhe arrestimin në flagrancë të shtetasit: M. K., 29 vjeç, banues në fshatin Sul-Devoll. Arrestimi i tij u bë pasi, gjatë kontrollit që shërbimet e Policisë kanë ushtruar në një lokal në këtë fshat, këtij shtetasi iu gjetën në xhep e iu bllokuan në cilësinë e provës materiale 5 doza me lëndë të dyshuar si narkotike Cannabis Sativa, si edhe 138 copë fara bimë të dyshuar Cannabis Sativa. Materialet i kaluan Prokurorisë pranë Gjykatës së Shkallës së Parë Korçë bazuar në nenin 283 të Kodit Penal.
