Guvernatori i shtetit të Arizonës, Doug Ducey, ka emëruar ish-senatorin Jon Kyl në Senat të martën, duke zgjedhur një figurë të njohur konservatore për ta zëvendësuar John McCainin e ndjerë, raportojnë mediat amerikane.
Kyl ka shërbyer për tri mandate në Senatin Amerikan para se të pensionohej në vitin 2012.
Zgjedhja e tij është përshëndetur edhe nga e veja e McCainit, Cindy.
Ajo, në një postim në Twitter tha se Jon Kyl është “një mik i dashur i imi dhe i Johnit”.
“Është nder i madh për Johnin që ai është i përgatitur të kthehet në shërbim publik për të ndihmuar shtetin e Arizonas”, tha Cindy McCain.
