Deputeti i Vetëvendosjes, Rexhep Selimi, tha se qeveria ka ndërhyrë me një axhendë të keqe në seancën e sotme të thirrur nga opozita. Ai tha se nuk ia kanë borxh qeverisë që t’ua bëjnë numrat dhe se salla e Kuvendit është uzurpuar nga Qeveria.
“Ne kemi ftuar seancë me nënshkrime të deputetëve të opozitës, kemi caktuar edhe temën dhe rezolutën për të miratuar. Qeveria ndërhyri në këtë axhendë. Masi ata e kan thirrë seancën lë ta përfundojnë ata”, tha Selimi për Frontal në T 7.
“Nuk ja kemi borxh qeverisë t’ia bëjmë numrat aq më pak si kjo axhendë e keqe. Nuk i nënshtrohemi qeverisë, kemi të drejtë ta thirrim seancën. Salla është e uzurpuar nga Qeveria”, tha Selimi.
