Çështja e zgjedhjes së Prokurorit të Përgjithshëm është një çështje e nxehtë e cila ka ndarë sërish në dy pjesë kampet politike dhe jo vetëm. Sipas Kushtetutës mandati i Kryeprokurorit Llalla mbaron pas mbledhjes së Këshillit të Lartë Prokurorisë. Dhe për mos mbledhjen e këtij këshilli janë hedhur hipoteza të ndryshme. Një ndër to është mos gjetja ende e një përfaqësuesi nga shoqëria civile.
Por kjo nuk është e vetmja arsye thotë gazetarja Klodian Lala në një deklaratë në studion e emisionit “Studi E hapur” me Eni Vasilin në “News 24”.
“Nuk mendoj se krijimi i KLP ka mbetur vetëm tek mbledhja e përfaqësuesit të shoqërisë. Unë nuk di akoma se kush janë anëtarët prokurorë të cilët duhet të jenë në KLP. Ne nuk i kemi akoma të garantuar anëtarët prokurorë që duhet të jenë pjesë në Këshillin e Lartë të Prokurorisë” tha Lala.
