Presidenti i Kosovës, Hashim Thaçi i është përgjigjur kryeministrit Haradinaj rreth deklaratave që ky i fundit ka thënë se ideja e Thaçit për shkëmbim të territoreve nuk do të përkrahet e as nuk do të diskutohet në takimin e radhës në Bruksel. Por, presidenti Thaçi ka deklaruar se kërkesa do t’i dorëzohet Brukselit, i pëlqeu apo jo dikujt.
Thaçi kështu ka deklaruar menjëherë pas përfundimit të takimit të liderëve.
“Ajo që dua të them përfundimisht dhe zyrtarisht i pëlqeu dikujt apo jo., Unë do ta shtrojë kërkesën e qytetarëve të Preshevës, Medvegjës e Bujanovci, që ajo pjesë t’i bashkohet Kosovës. Unë kur flas për korrigjim, flas për korrigjimin e padrejtësive që i janë bërë popullit shqiptarë. Unë nuk kam ndonjë kasavet për Serbinë, por dua që vendi im sa më shpejtë të lëvizë drejtë perspektivës evropiane”, ka deklaruar Thaçi, raporton Gazeta Express.
E ndërkohë, kryeministri Haradinaj pas takimit të sotëm të liderëve, ekskluzivisht për T 7 tha se territori dhe kufijtë e Kosovës nuk do të negociohen dhe se hapja e kësaj teme çon në luftë dhe konflikte.
Sidoqoftë, Haradinaj tha se do të ishte mirë nëse Lugina e Preshevës do të bashkohej me Kosovën, mirëpo nuk e di nëse kjo do të ndodhë.
“Ta presim të ardhmen”, tha ai
