Votimin e Komitetit për Liritë Qytetare, Drejtësi dhe Çështje të Brendshme në Parlamentin Evropian-LIBE, pro liberalizimit të vizave, Presidenti i Kosovës, Hashim Thaçi e ka konsideruar si një vendim tëpër të drejtë.
Thaçi ka deklaruar se çdoherë e më shumë vendi po i afrohet vendimit final për liberalizimin e vizave. Shton se qytetarëve shpejt do tu hiqet çdo pengesë e lëvizjes së lirë edhe qytetarëve tanë në zonën Shengen.
Ky është postimi i plotë i Thaçit:
Komiteti për Liritë Qytetare, Drejtësi dhe Çështje të Brendshme në Parlamentin Evropian, sot ka marrë një vendim tepër të drejtë, duke votuar pro liberalizimit të vizave për qytetarët e Kosovës.
Çdoherë e më shumë po i afrohemi vendimit final, shumë kohë të pritshëm, që t’u hiqet çdo pengesë e lëvizjes së lirë edhe qytetarëve tanë në zonën Shengen.
