Ish-ministri i Brendshëm Saimir Tahiri, duket se po i shijon pushimet e verës me aventura nga deti e deri në mal. Të paktën, këtë përshtypje të lënë postimet e tij në rrjetet sociale, ku ndaj momente nga jeta private.
Në një postim në fundit në “Insta Story”, ish-ministri nën hetim për lidhje me “Habiljat” në trafikun e drogës, ka shpërndarë një foto të një grupi njerëzish me kurriz nga fokusi i aparatit, e në sfond male të larta. Në një koment bashkangjitur imazhit të postuar shkruan: Me dhimbje, grupi ja doli deri në majë.
Një ditë më parë, ish-ministri publikoi një foto, ku dukej i veshur me rroba ushtarake dhe mjekrën e lënë, duke treguar se ndodhej në majën e Kendrevicës.
