Komentet në “Trip Advisor” (tashmë i njohur për të gjithë lexuesit tanë, e sidomos të rubrikës “Summer 2018”) për Shqipërinë natyrisht janë disa prej më të klikuarëve, si dhe më të lexuarat.
Aty gjen gjithëfarësoj komentesh, por ne në redaksinë e ALPENews.al përzgjedhim çdo ditë (tashmë) dy, duke i përkthyer dhe duke vënë në pah dy realitete të ndryshme.
Ndërkohë që kemi folur për çmimet, hotelet, shërbimin me ushqimin, si dhe të gjithë pikat turistike që parapëlqehen më tepër.
Ditën e sotme kemi përzgjedhur një nga plazhet më të populluara në Sarandë, atë të “Pasqyrave”. Edhe këtu, ka një kontradiktë të madhe midis përshtypjeve të një të huaji e shqiptarit.
Turisti anglez: Çmime të arsyeeshme
“Plazh i mrekullueshëm në Sarandë. Vërtet rruga ishte shumë e rrezikshme por ia vlente në fund.
Uji i detit ishte blu, dhe Kristal i pastër.
Çdo çmim ia vlente dhe ishte i arsyeshëm për vendin ku po qendronim.
Ndonjëherë popullohej me shumë njerëz prandaj ju këshilloj të ikni që në mëngjes.”
Por nuk mendon kështu komentuesi i mëposhtëm shqiptar:
“Nëse nuk e paske pasur problem ti japësh makinës për 20 minuta vetëm nga anë e rrugës me rrezikshmëri të lartë, atëherë ky vend qenka për ty.
Duhet të kesh shumë lekë se aty dhe nëse do të marrësh ujë apo kafe, do të duket sikur po ble flori.”
Ky material është përgatitur nga redaksia e ALPENews.al, për “Summer 2018”.