Deputeti demokrat Agron Shehaj ka reaguar në një shenim në rrjetet sociale pas vendimit të qeverisë shqiptare për të marrë 20 refugjatë nga një anije e bllokuar në një port italian dhe për ti akomoduar në Shqipëri. Eshtë e neveritshme PR që po bën qeveria shqiptare në kurriz të emigrantëve, shkruan deputeti duke treguar edhe historinë e tij si emigrant i dikurshëm dhe mikpritjen italiane.
Ja shenimi i tij i plotë ne facebook:
Pak gjëra janë më të neveritshme se qeveria shqiptare që bën PR në kurriz të emigrantëve.
Kam qenë vetë emigrant, i ikur me anije, pikërisht në vitin ‘91.
Endërronim lirinë dhe Perëndimin dhe ishim të gjithë të trembur se Italia mund të vendoste të mos na mbante.
Nëse në ato momente qeveria e një vendi tjetër, po aq të varfër sa Shqipëria, do kërkonte të përfitonte dhe do propozohej si alternativë e Italisë për të na marrë, do ndiheshim të përdorur dhe të indinjuar.
Keta pushtetarë mendojnë vetëm se si të blejnë favoret e ndërkombëtarve për të mbajtur pushtetin.
Uroj që këta emigrantë t’ja dalin të realizojnë ëndrrën e tyre në Perëndim dhe mos të kenë fatin e keq dhe të përdoren..
