Komentet në “Trip Advisor” (tashmë i njohur për të gjithë lexuesit tanë, e sidomos të rubrikës “Summer 2018”) për Shqipërinë natyrisht janë disa prej më të klikuarëve, si dhe më të lexuarat.
Aty gjen gjithëfarësoj komentesh, por ne në redaksinë e ALPENews.al përzgjedhim çdo ditë (tashmë) dy, duke i përkthyer dhe duke vënë në pah dy realitete të ndryshme.
Ndërkohë që kemi folur për çmimet, hotelet, shërbimin me ushqimin, si dhe të gjithë pikat turistike që parapëlqehen më tepër, ajo që është lënë në “hije” janë aktivitetet sportive ose jo, argëtuese ose turistike, apo edhe historike që janë të gjendshme në çdo cep të vendit tonë.
Një koment në “Trip Advisor” nga një turist nga Shtetet e Bashkuara të Amerikës është:
Sa bukur që ja kaluam në Shqipëri. E kishim udhëtimin tonë të parë në Europë, dhe të themi të drejtën ishte një prej më të bukurëve. Ishte i qetë, dhe shumë familjar. Ne plazhin e bëmë në disa vende, por u mahnitëm me jugun tuaj. Çmimet ishin jashtëzakonisht shumë të arësyeshme, dhe për të mos thënë që shërbimet ishin nga më të mirat. Le të themi që do vijmë sërish, dhe pse jo edhe disa herë gjatë vitit. Jo vetëm gjatë kësaj vere që kaloi, por duam të ikim edhe në veri pasi na kanë thënë se bëhet bukur në dimër.
Por ka diçka mëposhtë këtij komenti, dhe është pikërisht kjo komentuese e cila është nga Shqipëria dhe shkruan:
Nuk e di ku e paske parë këtë të bukur Shqipëri, ku të gjithë po vuajnë për një çapë bukë. Më vjen keq që shkruaj këtu, dhe nuk do doja të shkruaja asnjëherë, por kjo është e vërteta që ju turistët që vini nuk e dini që mbrapa gjithë kësaj natyre (e cila po shkon drejt shkatërrimit) ekziston një pjesë shumë e keqe.
Ky material është përgatitur nga redaksia e ALPENews.al, për “Summer 2018”.