Ditë më parë, lideri i VV-së, Albin Kurti kishte komentuar deklaratat e kryeministrit të Kosovës Ramush Haradinaj bërë për prokurorin Elez Blakaj. Haradinaj e kishte quajtur Blakajn “hajdut” dhe “pishpirik” dhe lideri i VV-së kishte thënë se kryeministri më këto komente Blakajt ia kishte kontestuar qenien e një qytetari.
Po ashtu Kurti i kishte dalë në mbrojtje Blakajt dhe kishte thënë se Kosovën në mjerim e kanë çuar, Haradinaj, Veseli dhe Thaçi.
Sot në një intervistë Rtv21, kryeministri Haradinaj, liderin e VV-së, Albin Kurtin e ka quajtur hajdut dhe mashtrues.
“Disa që po e mbrojnë ligjin si rasti i Albinit i cili se ka humbur asnjë shans për ta ofenduar rendin dhe ligjin, ai nuk ka respektuar gjykatë e lëre prokurorë dhe tani po e mbron një prokuror i cili i ka dhënë një goditje sistemit të cilin Albini po e mbron e të cilin e ka refuzuar”, tha Haradinaj.
Më tej Haradinaj ka thënë se nëse dikush në këtë vend që prej ’99 i ka dhënë mundësi ligjit vendor dhe ndërkombëtar është ai, kurse për kundërtën e kësaj, që e ka ofenduar vendin ka thënë se ai është Albin Kurti.
“Sa a është hajdut Albini, ai është hajdut, ai është një mashtrues, ai është një ordiner, ai i ka mashtruar njerëzit e vet deri sa e kanë marrë vesh dhe sot s’janë me të. Nuk mundet një njeri si ai dhe disa njerëz që po dalin në rrugë me ndal Kosovën, mund të kenë edhe axhenda të tjera”, tha Haradinaj.
