Të afërmit e Sergei Skripal, ish-agjentit të dyfishtë rus, i cili u sulmua me një agjent nervor në Salisbury marsin e kaluar, kanë shprehur dyshimet se ai mund të ketë vdekur.
Victoria Skripal tha se ata nuk kanë dëgjuar nga vajza e tij Julia, që nga fundi i korrikut. Kohë nga e cila ajo mori në telefon për të uruar gjyshen e saj për ditëlindjen. Në telefonatën me familiarët, Julia ishte shprehur se së shpejti edhe babai i saj, do t’i telefononte.
Por çfarë i bën të afërmit e Skripalëve të dyshojnë mbi vdekjen e ish-agjentit?
Pse mendojmë kështu? Sepse Julia tha se babai i saj do të na telefononte. Ishte ditëlindja e nënës së tij dhe ai e adhuron atë. Për më tepër që në raportin e spitalit nuk kishte asnjë foto të tijën. Njoftimin për shërimin e tij e morrëm vesh nga mediat. Pse nuk na lejuan ta shohim? Nëse ai nuk do të donte, mjaft të na e thoshte.
Victoria Skripal, e afërme
Ngjarja
Sergei dhe vajza e tij 33-vjeçare, Julia, u gjetën të rrëzuar në një stol në Salisbury më 4 mars. Ata thuhet se u sulmuan me Novichok.
Incidenti shkaktoi një ‘luftë’ diplomatike midis Rusisë dhe Britanisë së Madhe. Kjo e fundit akuzonte Rusinë se ishte përgjegjëse për sulmin.
Rusia nga ana e saj i mohoi me forcë akuzat duke dënuar edhe aktin e Britanisë për ndalimin e përfshirjeve në hetime.
