Një aksident me pasojë plagosjen ka ndodhur ditën e sotme në Elbasan, ku një 24-vjeçar ka përplasur një të moshuar.
Denis Ahmeti, 24 vjeç, u arrestua pasi në unazën e qytetit të Elbasanit, duke drejtuar mjetin është përplasur me një motoçikletë pa targa , me drejtues shtetasin Sh.G., 69 vjeç, banues në lagjen “5 Maji”, Elbasan.
Si pasojë e përplasjes është aksidentuar drejtuesi i motoçikletës shtetasi Sh.G., i cili ndodhet në spitalin e Elbasanit nën kujdesin e mjekeve jashtë rrezikut për jetën.
Materialet i kaluan Prokurorisë pranë Gjykatës së Shkallës Parë Elbasan, për veprën penale ” Shkelja e rregullave të qarkullimit rrugor”, parashikuar nga neni 290 i Kodit Penal.
