Sot në Gjykatën Penale në Shkup ka filluar procesi i gjykimit për ngjarjet në Kuvendin e Maqedonisë, më 27 prill të vitit të kaluar.
Para Gjykatës Penale janë mbledhur dhjetëra qytetarë, të cilët kërkojnë lirimin e të akuzuarve për “të enjten e përgjakshme”, ku mes të përgjakurve ishte edhe politikani shqiptar Zijadin Sela.
Të pranishëm para Gjykatës janë edhe forcat policore, të cilët kanë vendosur kordon para protestuesve.
Mes të akuzuarve për ngjarjet e përgjakshme janë edhe ish-funksionarë dhe deputetë aktual të VMRO-DPMNE-së.
