Eshte shtyrë për nesër mbledhja e Këshilit të Mandateve dhe Imuniteteve të Kuvendit të Shqipërisë i cili ka filluar sot të shqyrtoje kërkesën e Prokurorirsë për Krimet e Rënda për heqjen ose jo të imunitetit të deputetit, ish ministrit të Brendshëm, Saimir Tahiri.
Avokati i Saimir Tahirit, Artan Hajdari kërkoi tri ditë kohë për të shqyrtuar provat e paraqitura nga përfaqësuesit e Prokurorisë në seancënme dyer të mbyllura. Gramoz Ruçi, Kryetari i Kuvendit njëkohësisht edhe drejtuesi i mbledhjes së këtij Këshilli deklaroi se mbrojtja ka kohë deri nesër në orë 10.00 për të realizuar e pergatitur mbrojtjen.
Mbledhja vijoi për gati 7 orë me radhë pa ndërprerje, nën interesin e jashtëzakonshëm të medias dhe opinionit publik.
