Tentativat e dhënies fund jetës, si fenomen i përditshme, janë bërë shumë shqetësuese, për nga numri i tyre për çdo 24 orë. Gjeografia e tyre, mbulon gjithë Shqipërinë, ndërsa edhe mënyrat e zgjedhura,për tu vetëflijuar, janë të shumta.
Kësaj “rregullsie”, nuk i shpëton as 24-orëshi i fundit, i cili regjistron 4 tentativa, prej të cilave, 2 kanë përfunduar fatalist, me vdekjen e dy personave, ndërsa 2 të tjerët, pas ndihmës mjekësore, kanë mundur të shpëtojnë
Komisariati i Policisë Vorë
- Më datë 19. 08. 2018, në SQU, ka shkuar i vetëhelmuar me fostoksinë e në gjendje të rëndë shtetasi N. N., vjeç 53, banues në Vorë, i cili më vonë ka gjetur vdekjen. Materialet u referuan në Prokurorinë pranë Gjykatës së Shkallës Parë Tiranë.
Komisariati i Policisë Pukë
- Më datë 20. 08. 2018, në fshatin Gjegjan, në banesë, është vetehelmuar me fostoksinë shtetasi Gj. P., vjeç 58, i cili më pas ka vdekur në spital. Materialet i kaluan Prokurorisë se Rrethit Gjyqësor Pukë. Neni 99 i Kodit Penal.
Komisariati i Policisë Nr. 1, Tiranë
- Më datë 20. 08. 2018, në rrugën “Fadil Rada”, në banesë, në kushte depresioni, ka tentuar të vetëvritet shtetasi S. S., vjeç 76, banues në Tiranë, i cili ndodhet në spital jashtë rrezikut për jetën. Materialet u referuan në Prokurorinë pranë Gjykatës së Shkallës Parë Tiranë, për vlerësim.
Komisariati i Policisë Mallakastër
- Më datë 20. 08. 2018, në fshatin Lapulec, në banesë është vetëplagosur me mjet prerës shtetasi A. M., vjeç 33, dhe ndodhet në spital nën kujdesin e mjekëve. Materialet iu kaluan Prokurorisë se Rrethit Gjyqësor Fier, për vlerësim.
