Moti i keq dhe stuhia që ka përfshirë Lezhën mbrëmjen e sotme ka lënë pa energji elektrike gjithë qytetin dhe 80% të fshatrave në këtë zonë.
Energjia elektrike është ndërprerë prej dy orësh dhe ende nuk ka mbërritur.
Dyshohet se si pasojë e stuhisë janë dëmtuar disa linja të energjisë elektrike, ndërsa ende nuk dihet kur do rikthehet energjia.
Të gjithë punonjësit e OSHE me në krye drejtorin e Lezhës Vinçens Tuku ndodhen në terren për riparimin e defekteve pasi janë këputur linjat e transmetimit.
