Gjithçka ndodhi më 18 gusht, kur 48 vjeçari Edmond Bego po kthehej nga pushimet dhe u ndalua në Korfuz. Që nga ai moment, ky i fundit mori “stadin” e të “shumëkërkuarit” dhe u bë shumë shpejt “molla e sherrit” mes të majtës e të djathtës ku deklaratat “hidh e prit” zgjatën me ditë të tëra.
Policia me deklaratën e bërë vetëm një orë më parë duket se hoqi të gjitha dyshimet duke deklaruar se: Edmond Bega, nuk ka qënë në kërkim nderkombëtar, sipas verifikimeve të tyre.
Fillimisht ishte opozita e cila ngriti një sërë akuzash fill pas arrestimit nga policia greke. Nisi me Palokën e Spahon, kundërpërgjigjen e Ballës, dhe reagimin sërish të PD me Alibeajn.
Paloka:
Ne nje deklaratë për mediat në selinë e Partisë Demokratike, tha se ai ka lidhje dhe mbeshtetje me njerez te pushtetshem. Paloka ka ngritur disa pyetje, e teksa nxori emrin e deputetit te PS Taulant Balla, tha se ditet ne vijim PD do te beje transparence perse ligji nuk ka vepruar ndaj Begos qe njihet me emer tjeter per policine, Italine e biznesin ne Shqiperi.
“Cdo shqiptar, ka te drejte te pyese sot Edi Ramen, Fatmir Xhafajn dhe Policine e Shtetit:
Si eshte e mundur që një trafikant ndërkombëtar droge i shpallur në kërkim ndërkombëtar nga autoritetet italiane, arrestohet nga policia greke por jo nga policia shqiptare?
Si është e mundur që jo vetëm nuk arrestohet por bën i qetë biznes në Shqipëri?
Cfarë lidhjesh me njerëz të pushtetshëm e kanë detyruar Policinë e Shtetit të mbyllë sytë dhe të mos shohë një trafikant ndërkombëtar droge që shëtit i lirë nëpër Shqipëri?
A është Taulant Balla polikani që e ka marrë në mbrojtje trafikantin e drogës dhe bën biznes me të?
PD në ditët ne vijim do beje transparence pse ligji s’ka vepruar ndaj Edmond Begos qe njihet me emer tjeter per policine, Italine e me emer tjeter per biznesin. Sot kerkojme qe Prokuroria te nise hetimet per te zbardhur arsyet e mosveprimit nga policia e shtetit”, tha Paloka.
Reagon Balla: Filloi teatri komik “Babale 3”
Deputeti i PS-së, Taulant Balla ka reaguar pas akuzave të opozitës se ai dhe trafikanti i arrestuar Edmond Bego dhe janë partner në biznes.
Reagimi i plotë i Ballës:
Partia Babalokratike filloi sot teatrin komik “Babale 3”. Madje dy zëvëndësat e Bashës bënë dhe prezantimin e skenarit. Meqenëse më drejtuan mua pyetje dy, unë do pres që betejën ta bëj përsëri me Kryebabalen Basha. Ngrini akuza, lërini pyetjet! Duhen për në Gjykatë përsëri. Le të na gjykojë në fund publiku. Siç do na gjykojë në Shtator për “Babale 1”.
Paloka i përgjigjet Ballës:
Mr. Toyota Yaris qe drejton grupin parlamentar te PS, mos u fshih pas Edi Rames dhe Fatmir Xhafes, por thuaju shqiptareve:
* A e njeh trafikantin e rrezikshem nderkombetar te droges Mond Bego?
* Cfare te lidh me trafikantin e rrezikshem nderkombetar te droges Mond Bego?
Taulant Yaris, laku po shtrengohet, koha jote dhe e Padronit tend po mbaron! Tik Tak Tik Tak.
Reagon sot sërish PD me anë të Alibeaj:
Ai tha se Taulant Balla duhet t’u shpjegojë shqiptarëve:
“Çfarë e lidh me trafikantin e drogës, të shndërruar në biznesmen të fuqiëshm këto dy vitet e fundit?
Sa herë ka komunikuar me Edmond Begën në numrin e telefonit 0682049189? A është Taulant Balla sekser për miliona euro punë publike të marra nga kompania e ndërtimit të narkotrafikantit biznesmen?
Këtyre pyetjeve Taulant Balla nuk u shpëton dot. Drejtësia vonon, por nuk harron!”.
Pas postimit të Policisë reagon Gazmend Bardhi:
Përmes një postimi në Facebook, Bardhi i kërkon policisë shqiptare të sqarojë shqiptarët se gjatë kohës që Bego ka qenë me pushime në Korfuz a ka qenë me të dhe deputeti Taulant Balla.
Ja postimi i Bardhit:
U zgjua nga gjumi Policia e Shtetit fiks pas 2 diteve!!
Mqs u zgjua, a mund te na thote: Policia greke me cilin emer dhe mbi bazen e cilit urdher kerkimi nderkombetar e ka arrestuar? Pse e mban ende ne burg?
Dhe mqs i ka hyre verifikimit te sistemit TIMS, te na thote mos ka qene edhe Taulant Balla per pushime ne Korfuz ne te njejten kohe?!
Shpresojme qe per pergjigjen e radhes qytetaret te mos presin edhe 2 dite te tjera!
/AlpeNews.al