Ujëvara e Bogovës në Parkun Kombëtar të Tomorrit po tërheq çdo ditë e më tepër vizitorë vendas dhe të huaj.
Një grup prej 17 turistësh çekë e austriakë vizituan javën e kaluar këtë ujëvarë, edhe pse në periudhën e verës prurjet e ujit janë më të vogla.
Ujëvara e Bogovës shfaqet në pjesën e ulët të fshatit Bogovë, gjatë rrugës që të çon për në Skrapar.
Duhen afërsisht 45 minuta nga Berati për të zbritur në ujëvarë e në burimin natyror të saj.
Ndërkohë, rrugës mund të ndaloni në disa fshatra shumë piktoreskë që shtrihen fare afër rrugës. Fshatrat e këtyre zonave janë shumë të njohur për kultivimin e frutave dhe të rrushit.
Në anë të Osumit mund të shijoni një panoramë që nuk do ta harroni lehtë.