IGJEUM ka publikuar hartën e rrezikshmërisë nga vatrat e zjarreve ditën e sotme, duke paraqitur edhe zonat ku ka rrezik të ulët, të lartë, dhe të moderuar.
Mëposhtë IGJEUM njofton të gjithë qytetarët lidhur me ecurinë e vatrave, si dhe meterologjike.
ZJARRET NË PYJE
Sot pasdite (e diel, dt.19) dhe nesër (e hënë, dt.20) pritet nivel “I MODERUAR” rreziku në shumicën e qarqeve të vendit. Vetëm në qarkun Dibër pritet nivel “I ULËT” rreziku (siç tregohet në tabelë, respektivisht për secilin qark). Ndërmjet qarqeve me nivel “I MODERUAR” veçojmë qarkun Fier ku rreziku pritet të jetë më i lartë, pasuar nga qarqet Durrës, Shkodër dhe Lezhë.
RESHJET
Sot pasdite (e diel, dt.19) dhe nesër (e hënë, dt.20) priten reshje të dobëta në qarkun Kukës. Në shumicën e qarqeve të tjera priten reshje lokalisht të dobëta (siç tregohet në tabelë, respektivisht për secilin qark). Në zona shumë të vogla të qarqeve mund të ketë reshje në formë shtrëngate me kohëzgjatje të shkurtër, më të mundshme në terrenet malore (dhe ato pranë tyre) gjatë pasditeve.
TEMPERATURAT
Nesër (e hënë, dt.20) temperaturat minimale dhe maksimale të ajrit pritet të arrijnë:
në bregdet: 23 / 34 °C
në vendet e ulëta: 22 / 36 °C
në vendet malore: 15 / 25 °C
ERA
Sot pasdite (e diel, dt.19) dhe nesër (e hënë, dt.20) era do të vazhdojë të fryjë e lehtë deri mesatare në orët e pasdites.
