Pozita jonë në bisedimet me Kosovën do të jetë më e fortë nëse ushtria jonë është e fortë. Këtë deklaroi ministri serb i mbrojtjes Aleksandër Vulin, cituar nga “Radio B92”.
Ai tha se ende nuk ka marrëveshje për përcaktimin e kufirit midis Serbisë dhe Kosovës.
“Mendoj se ne duhet ta ndalojmë përhapjen e idesë së Shqipërisë së Madhe, kjo është ideja më e rrezikshme politike në Ballkan, Shqipëria e Madhe do të thotë luftë. Mali i Zi, Maqedonia, ndoshta Greqia, por sigurisht Serbia do të përfshihet në të. Doni ta ndaloni këtë apo jo? Duhet të marrë një vendim”, tha Vulin.
Sipas tij, vendet e mëdha janë kundër idesë së shkëmbimit të kufijve midis Serbisë dhe Kosovës.
Negociatat ndërmjet dy vendeve janë çelësi për anëtarësimin e tyre në BE në të ardhmen.
