Durim Gallubja është pronari i një kompani furnizuese dhe prodhuese e produkteve të bulmetit në qytetin e Shkodrës, të cilit AKU e qytetit i ka mbyllur biznesin për shkak të mungesës në standartet higjienike dhe ato të pastërtisë.
Gallubja kishte disa kohë që nën zotërim të tij, një punishte qumështi dhe djathi prodhonte e furnizonte marketet brenda dhe jashtë qytetit verior.
ALPENews.al ka raportuar për lajmin e bllokimit të një sasie të konsiderueshme djathi të bardhë (rreth 120 kilogramë) e cila mbahej në një ambjent frigoriferik të mykur dhe jashtë kushteve normale.
Durim Gallubja figuron të jetë ky person.
Përveç mbylljes së aktivitetit, Gallubja ka marrë edhe një gjobë administrative prej 350.000 lekë.
NJOFTIMI ZYRTAR I AKU
Gjatë një kontrolli në një baxho në Shkodër, inspektorët e AKU-së kanë kapur në flagrancë shtetasin Durim Gallubja i cili tregtonte djathë të bardhë pa asnjë lloj etikete si dhe në kushte të rënda higjeno-sanitare.
Nga ky kontroll, trupa inspektuese e DRAKU Shkodër konstatoi që subjekti, me Nipt L56411014T, dhe aktivitet “Përpunim qumësht, Baxho” kryente veprimtari në kundërshtim me stadardet e sigurisë ushqimore duke ruajtur produktin djathë në ambient frigoriferik me përmbajtje myku si dhe temperatura e trajtimit të qumështit nuk ishte në normat e lejuara.
Për sa më sipër u mor masë administrative gjobë 350.000 lekë , mbyllje të aktivitetit si dhe bllokim të sasisë së produktit “djathë i bardhë” prej 120 kg, si dhe u morën mostra për analiza.
Autoriteti Kombëtar i Ushqimit me qëllim garantimin e sigurisë ushqimore, i bën thirrje edhe operatorëve të biznesit ushqimor (njësive të tregtimit e shërbimit) që të jenë të kujdesshëm në blerjen e lëndëve të para – produkte shtazore dhe jo shtazore duke kërkuar e marrë nga furnitorët vetëm produkte me etiketë dhe të shoqëruara dokumentacion të plotë veterinar e fiskal.
/ALPENews.al
