Policia kufitare e Rinasit ka arrestuar një 26-vjecar pasi ka tentuar të kalojë mallra kontrabandë.
Bashkë me të riun është arrestuar edhe një doganier pasi ka shpërdoruar detyrën duke lejuar që të kalonte mallrat kontrabande 26-vjecari.
Në pranga kanë përfunduar Gerald Keta, 26 vjeç, banues në Tiranë si dhe Geron Hoxha, 29 vjeç, banues në Tiranë me detyrë doganier në doganën Rinas.
Arrestimi i tyre u bë, pasi shtetasi Gerald Keta, në doganën Rinas tentoi të kalonte mallra kontrabandë (veshje) në mënyrë të kundërligjshme, ndërsa shtetasi Geron Hoxha (me detyrë doganier në Rinas), në kundërshtim me ligjin dhe duke keqpërdorur atributet që i jep detyra, ka shërdoruar detyrën duke lejuar që të kalonte mallrat kontrabanë shtetasi i mësipërm.
Materialet iu referuan Prokurorisë së Rrethit Gjyqësorë Tiranë për veprën penale “Kontrabandë me mallra të tjerë”, parashikuar nga neni 174/1 i Kodit Penal, në ngarkim të shtetasit G. K., dhe për veprën penale “Shpërdorim detyre”, parashikuar nga neni 248 i Kodit Penal, në ngarkim të shtetasit G. H.
