Ish kryeministri Sali Berisha vijon të këmbëngulë në përdorimin e fotomontazheve për protestën në Rumani, teksa bën paralajmërimin e fortë për qeverinë e Ramës se do ta rrëzojë në shtator.
Para disa ditësh fotoja “ne nuk jemi Shqipëria” u bë virale në internet.
Zyrtarë të Partisë Demokratike, gazetarë e politikanë ranë pre e fotomontazhit, të cilin me gjasë rumunët e përdorën në protestat e tyre dhe tallnin shqiptarët se ishin të paaftë të organizonin protesta të tilla.
Media nxori variantin origjinal të kësaj fotoje, që jo vetëm që nuk ishte e vërtetë, por në të nuk përmendeshin fare shqiptarët, sepse pankarta origjinale ishte përdorur në vitin 2017 në Rumani ku shkruhej “Drejtësi, jo korrupsion”.
Mesa duket ish-kryeministri Sali Berisha nuk e ka marrë vesh lajmin e fotomontazhit dhe ka zgjedhur ta publikoi foton ditën e sotme.
Postimi i plotë i ish-kryeministrit:
Shtatori muaji i fundit i narkoshtetit!
Te shkon bota sypri me kemb te shklet.
Ja çfarë thonë për ne protestuesit në Bukuresht.
Lexoni mesazhin:
Pershendetje Doktor ja si protestojne ne rumani: ne nuk jemi shqiperi!
