Zyra e shtypit të kryeministrit ka reaguar në lidhje me një video të publikuar në rrjetet sociale nga ish-kryeministri Sali Berisha.
Sipas Berishës, zonja Linda Rama, është filmuar teksa është duke marrë avionin çarter. Por sipas kryeministrisë kjo është një shpifje e Berishës.
Reagimi i plotë
Zyra e shtypit e Kryeministrit
Sot ish-kryeministri Sali Berisha ka publikuar një lajm të rremë shoqëruar me një video, mbi gjoja një fluturim me charter të zonjës Linda Rama. Problemi nuk është tek zoti Sali që ka bërë atë që gjithnjë ka bërë më shumë se çdo shqiptar, pra ka shpifur! Problemi është se një sërë portalesh, e kanë marrë si zakonisht “derr në thes” videoshpifjen e zotit Sali dhe e kanë publikuar pa bërë asnjë verifikim paraprak. Kjo praktikë copy-paste që i ka kthyer lajmet e rreme në një epidemi digjitale bie ndesh me çdo liri e të drejtë informimi dhe nuk i shërben as interesit publik e as misionit të medias së lirë.
