Ngjarja më e rëndë e këtyre viteve, ka ndodhur para dy ditësh në fshatin Resulaj të Vlorës.
Ritvan Zykaj dhe vendi i ngjarjes ku ndodhi masakra
Ritvan Zykaj, 24 vjeç vrau për vdekje, me kallashnikov tetë familjarë të tij dhe me gjakftohtësinë më të madhe i filmoi e ia dërgoi një kushëririt të tij.
Këtu fillon edhe “ngërçi” i historisë. Kjo pasi kushëriri, vetëm 19 vjeç nga tmerri që ka parë në video e ka fshirë menjëherë, duke i hequr në të njëjtën kohë një provë policisë dhe prokurorisë.
Siç bëhet e ditur, 19 vjeçari menjëherë pasi e ka fshirë ia ka treguar se çfarë pa në telefonin e tij mamasë së tij dhe të terruar të dy kanë iku në policci për të treguar ngjarjen.
Mirëpo, mësohet se kjo është e vetmja gjë që ka thënë.
Pyetja e parë që shtrohet ështe se përse Ritvani zgjodhi pikërisht kushëririn e vogël 19 vjeç për tia dërguar videon?
Gjithashtu, informacionet e fundit bëjnë më dije se 24 vjeçari nuk ka ditur as të shkruajë emrin apo të hedhë firmën e tij në momentin që ka qënë para policisë. Nëse është kështu, si i shkruante postimet në Facebook?
Ritvan Zykaj në momentin e arrestimit tha se nuk i kishte shkruajtur ai komentet në Facebook. Ndonëse mund të jetë një tjetër gënjeshtër, sërish janë pikëpyetje që kanë nevojë për përgjigje.
/AlpeNews.al
