Në Ditën Ndërkombëtare të Rinisë, zv.ministri i Arsimit, Sportit dhe Rinisë, Shpati Kolgega zgjodhi Korçën, si destinacionin e parë të nisjes së konsultimeve publike për Projektligjin e Rinisë. Ai tha se kjo është një iniciativë e qeverisë shqiptare me qëllim fuqizimin e të rinjve dhe shtimin e mundësive reale për ta.
Gjatë bisedës së hapur, Kolgega u ndal në prezantimin përmbajtësor të draftit, ku përfshihen çështje të ndjeshme, si: financimi i projekteve rinore, njohja e profesionit të punonjesit rinor, ngritja e drejtorive përkatëse, dhe Planeve Lokale të Veprimit në çdo bashki të vendit, etj.
“Synojme pjesemarrje te gjere te te rinjve shqiptare pergjate ketij procesi, sepse ky Projektligj do te kete rendesi madhore ne jeten e secilit prej jush. Shqiperia ka tanime eksperiencen e meparshme te vendeve te rajonit e atyre Europiane, te cilet jane ofruar gjithashtu per ekspertize. Ky ligj vjen per here te pare pas dy dekadash kerkese nga shoqeria civile” – citon ai.
Nderkohe sa i perket lajmit te shperndare se fundmi, ku thuhet se 70% e te rinjve deshirojne te lene vendin e tyre, Zv.Ministri u shpreh i prere se ky eshte nje lajm i rreme, i pabazuar ne asnje studim te vertete.
“Jane disa individe qe per interesa financiare dhe politike shperndajne studime fallco, qe te krijojne psikozen e nje gjendjeje alarmante. Fatkeqesisht ky lajm eshte shperndare si i vertete, po dua t’ju them se eshte nje ‘fake news’ i koheve moderne. Ne keto kushte, si e justifikojme faktin qe sot ne Shqiperi jetojne, punojne dhe studiojne rreth 25 mije te rinj italiane? Kjo nuk do te thote, qe nuk mungojne sfidat per te rinjte ne Shqiperi, ashtu sikurse ne cdo vend tjeter, por ndryshimi kesaj here qendron tek qasja e fokusuar dhe tejet aktive, qe ne kemi ndaj problematikave te te rinjve”, tha në fund të fjalës së tij zv.ministri Kolgega.
