Kosovë- Një person nga fshati Jabllanicë i Klinës është arrestuar para dy ditësh pasi ka kërcënuar familjen e presidentit Hashim Thaçi.
Sipas mediave kosovare, i ndaluari ka shkuar në shtëpinë e familjes Thaçi ku edhe ka kërcënuar të pranishmit.
Arsyeja e kërcënimit është pakënaqësia e qytetarit me ndarjen e një subvencioni në bujqësi.
Lajmi është konfirmuar edhe nga prokurorja Fikrie Sylejmani, e cila është shprehur se është duke e hetuar rastin dhe se personi është ndalur dhe ndodhet në paraburgim.
Ajo që vlen për t’u përmendur është se presidenti i vendit nuk ka kompentencë për ndarjen e subvencioneve në bujqësi.
Ky është rasti i dytë i kërcënimit të një zyrtari të lartë në Kosovë, pas kërcënimeve të fundit që ka marrë edhe kryeministri Ramush Haradinaj.
