Napoli mori një tjetër fitore të rëndësishme në luftën për titull, teksa mundi 0-1 në transfertë, ekipin e Udinezes. Napoletanët fituan një penallti në minutën e 32-të, të cilën e mori përsipër ta ekzekutonte Horginjo. Goditja e parë u prit nga portieri i Udinezes, por teksa topi i rrëshkiti nga duart, italiani nuk e fali më, duke dërguar topin në rrjetë.
Vetëm barazime për Romën dhe Milanin. Kryeqytetasit kaluan të parët në avantazh ndaj Xhenoas, me një gol të El Sharauit, por vetëm 10 minuta më pas, ishte Lapadula ai që barazoi shifrat, të cilat mbetën të pandryshuara deri në fund të takimit.
As Milani nuk di të fitojë, teksa nuk shkoi më shumë se një barazim pa gola në “San Siro”, përballë Torinos. Të besuarit e Montelës provuan, por nuk patën shënjestrën e saktë për të shënuar të paktën një gol.
Në fund, pas 14 javësh të luajtura, Napoli rikthehet të jetë përsëri në krye të kampionatit, duke i marrë vendin e parë Interit, të cilin zikaltrit nuk e mbajtën dot as për 24 orë. Roma mbeten në kuotën e 31 pikëve, në vendin e 4-t, ndërsa Milani e sheh veten lart, në vendin e 7-të me vetëm 20 pikë.
