Një shtetas me inicialet V.D i moshës 43 vjeç teksa po tentonte që të hynte në territorin shqiptar nëpërmjet Portit të Vlorës, i është sekuestruar automjeti me të cilin kishte ardhur.
Makina rezultonte e vjedhur në një vend jashtë Shqipërisë, ndaj dhe blutë e kufirit i sekuestruan automjetin që kishte.
NJOFTIMI I POLICISË
Më datë 09.08.2018, u referuan materialet në Prokurorinë Pranë Gjykatës së Shkallës së Parë Vlorë, për shtetasin V. D., vjeç 43, banues në fshatin Llakatund, pasi në PKK, Port Vlorë, u kap e bllokua me cilësinë e provës materiale mjeti tip “Audi”, i cili rezulton i vjedhur, në një shtet të huaj. Neni 141/a i Kodit Penal.
