Komentet në “Trip Advisor” (tashmë i njohur për të gjithë lexuesit tanë, e sidomos të rubrikës “Summer 2018”) për Shqipërinë natyrisht janë disa prej më të klikuarëve, si dhe më të lexuarat.
Aty gjen gjithëfarësoj komentesh, por ne në redaksinë e ALPENews.al përzgjedhim çdo ditë (tashmë) dy, duke i përkthyer dhe duke vënë në pah dy realitete të ndryshme.
Ndërkohë që kemi folur për çmimet, hotelet, shërbimin me ushqimin, si dhe të gjithë pikat turistike që parapëlqehen më tepër, ajo që është lënë në “hije” janë aktivitetet sportive ose jo, argëtuese ose turistike, apo edhe historike që janë të gjendshme në çdo cep të vendit tonë.
Një koment në “Trip Advisor” nga një turiste zviceriane e cila në verën e kaluar kishte shëtitur me ciceron personal (guidë turistike) shkruan:
Mora një guidë të posaçme, kisha nevojë të njihja bukuritë e Butrintit, të Beratit, si dhe të të gjitha vendeve që ishim bashke me agjencinë turistike që zgjodha. Unë pagova vetëm 25 euro, specifikisht për të marrë ekstra këtë shërbim, ndërsa djali që fliste gjuhën shuëm rrjedhshëm ishte gjithashtu edhe i njohur me historinë. Një mikja ime gjithashtu ka qenë në Berat një vit më parë, me guidë turistike dhe ishte shumë më lirë se tani. Megjithatë në asnjë vend nuk gjen guidë 25 euro.
Në po të njëjtin koment, një vajzë 25 vjeç emigrante me banim në Itali shkruan:
Nuk e di saktësisht, por unë jam munduar shumë të marr një guidë të mësoj për vendin tim. Është e gabuar të ekzistojnë shumë kompani, ose agjenci turistike që ofrojnë shërbimin e guidës, kur duhet të ketë një agjenci më vete vetëm për guidën. Të paktën kështu funksionon në Itali, kur unë shkova me pushime në Venecia. Megjithatë sa për 25 euroshin që ke paguar, unë jam e gatshme të paguaj edhe dhjetëfish këtë shifër, por dua që me të vërtetë t’ja vlejë. Guida duhet të jetë samë e plotë, informacioni nuk më duhet i cunguar.
Ky material është përgatitur nga redaksia e ALPENews.al, për “Summer 2018”.