Nëse je “trishtuar” se ndoshta nuk ke aq para për të frekuentuar Jalën, Dhërmiun, Palasën, Rivierën, e shumë prej plazheve “elitë” (le të themi kështu) në jug, ka edhe një zgjidhje për ty.
Redaksia e ALPENews.al, si “Tour of the Day” ka përzgjedhur për të shkuar në fshatin turistik të Shishtavecit.
I lokalizuar disa minuta larg në qytetin e Kukësit, Shishtaveci të jep mundësinë të shijosh:
ajërin e pastër, gatimet tipike tradicionale, gjelbërimin në natyrë, kampingun gjatë stinës së verës (sepse nga eksperienca turistët e shumtë thonë që në dimër dëbora e bën të pamundur këtë aktivitet në natyrë) si dhe aktivitetet që organizohen në harkun kohor qershor – shtator.
Shishtaveci njihet për një sezon turistik thuajse 365 ditë të vitit (edhe pse investimet për turistët që vijnë në dimër janë të pakta në numër, sërish përbën destinacion të rëndësishëm).
Pamjet e mëposhtme tregojnë këtë vend në stinë të ndryshme të vitit.
Ky material është përgatitur nga redaksia e ALPENews.al, për “Summer 2018”.