Ministrja e Mbrojtjes, Olta Xhaçka me anë të një statusi ka bërë me dije se Forcat e Armatosura janë në gatishmëri të plotë për të përballuar çdo emergjencë që mund të vijë nga shkaqe natyrore.
Sipas Xhaçkës, Drejtoria e Emergjencave Civile ka qenë këto ditë në kontakt të drejtpërdrejtë me specialistët e Emergjencave Civile në Prefektura, me bashkitë e qarqeve dhe me pika të tjera të kontaktit në nivel qendror dhe vendor.
Në fund të statusit të saj, ministrja i ka bërë apel qytetarëve, të bashkëpunojnë, që të shmangim pasojat që mund të sjellin fatkeqësi të ndryshme, veçanërisht në këto ditë të nxehta si edhe të rrisin përgjegjësinë e tyre individuale.
Çdo veprim abuziv, i kryer nga pakujdesia apo me paramendim ndëshkohet me ligj.
Këtë verë Forcat e Armatosura kanë rritur edhe kapacitetet për shuarjen e zjarreve duke pajisur helikopterët Cougar të FA me kova 2500 litër për shuarjen e zjarreve.
