Një shtetasi shqiptar, me banim në Krutje të qytetit të Lushnjes, i moshës 64 vjeç duke i vendosur zjarrin një sasie të konsiderueshme kashte i ka dalë zjarri jashtë kontrollit, duke djegur disa hektarë toke të punueshme.
Policia u njoftua për ngjarjen dhe deklaron se shkaktar kryesor është shtetasi 64 vjeçar, ai i cili posedonte edhe tokën e djegur.
NJOFTIMI I POLICISË
Më datë 06.08.2018, u referuan materialet në Prokurorinë pranë Gjykatës së Shkallës së Parë Lushnje, për shtetasin R. Ç., vjeç 64, banues ne fshatin Krutje e Poshtme, pasi në fshatin Krutje, duke djegur kashtën e grurit në tokën e tij, i ka dalë zjarri jashtë kontrollit dhe për pasojë janë djegur disa hektarë tokë në pronësi të shtetasit Sh. K., vjeç 51. Neni 161 i Kodit Penal.
