Interi ka shënuar fitore të lehtë si mysafire e Cagliarit në kuadër të xhiros së 14-t të Series A të shtunën në mbrëmje, duke marrë pozitën e parë në tabelë, të paktën deri sa Napoli të zhvillojë ndeshjen Udineses të dielën pasdite.
Si zakonisht, për Interin shkëlqeu super sulmuesi argjentinas, Mauro Icardi, i cili shënoi dy nga tri golat e Interit, në minutat 29’ dhe 83’, raporton Express.
Icardi tani ka 15 gola pas 14 javëve në Seria A, dhe ndan vendin e parë me Immobilen e Lazios.
Golin tjetër për shkuarën “Zikaltër” e shënoi Marcelo Brozovic në minutën e 55’. Ndërsa golin e vetëm për vendasit e shënoi Pavoeltti në minutën 71’.
Inter nuk di për humbje as pas 14 javëve në Seria A, duke shënuar 11 fitore dhe barazuar tri herë. Inter tani zë pozitën e parë në tabelë me 36 pikë, një pikë më shumë se Napoli i cili ka një ndeshje më pak të zhvilluar.
