Në një intervistë për “Prive” Anxhela Peristeri foli për karrierën e saj dhe planet në të ardhmen. Krahas tyre, artistja nuk kishte se si të mos i shpëtonte pyetjes rreth jetës personale.
“Faktikisht kur isha e vogël e zbuloja jetën private dhe e shikoja që më shkonte ters, ndaj që atëherë vendosa ta mbaj të fshehur se më ecën më mbarë. Kështu që… jam shumë mirë!”
Anxhela tha se një artist duket që në krijimtari dhe nëse ajo i pëlqehet sigurisht që është i dashuruar dhe kjo nuk fshihet. Duke ripërsëritur se është shumë mirë, artistja na la të kuptojmë se diçka po ndodh, por kur e gjitha të jetë më konkrete do të na e bëjë të ditur.
“Tani unë jam 31 vjeç dhe dihet që nuk po pres të ze të dashurin e parë dhe ta nxjerr në kamera. Të gjithë jemi në kërkim të shpirtit binjak dhe sigurisht që dhe unë nuk bëj përjashtim nga të tjerat. Jam shumë mirë por që kur të kem diçka konkrete ndoshta do ta them më me zë.
