Grabitjet në vend, fatkeqësisht kanë pasur një “rritje” të ndjeshme muajt e fundit.Veç banesave, e exchange-ve, një vend të konsiderueshëm ka zënë edhe grabitja e argjendarive.
Kujtojmë këtu edhe “supergrabitje” në qedren tregtare në Tiranë, ku hajdutët, të veshur si babagjysha grabitën një shumë të madhe parash në argjendari.
Çfarë ndodhi sot:
“Grabitëm argjendarinë në Durrës, pasi desha të laja një borxh që ia kisha marrë një mikut tim, por nuk llogarita kamerat e sigurisë apo ndonjë që mund të na identifikonte”.
Kështu është shprehur njëri prej autorëve të arrestuar gati katër muaj pas grabitjes së argjendarisë në qendër të Durrësit, në bulevardin kryesor të qytetit. Blutë e Durrësit bënë të ditur dje se finalizuan operacionin e koduar “Argjendaria “, zhvilluar me metoda speciale të hetimit, duke identifikuar dhe vënë në pranga një nga dy autorët.
Sipas Policisë, në pranga ka përfunduar shtetasi Robert Hasmuça, 22 vjeç, banues në Tiranë. “Vihet në pranga nga Forcat Operacionale të Drejtorisë Vendore të Policisë Durrës autori i dyshuar i vjedhjes me dhunë të një argjendarie në bulevardin kryesor, në vlerën rreth 5.6 milionë lekë.
Çfarë ndodhi në Prill:
Një nga autorët pas grabitjes
Grabitja me armë ndodhi në bulevardin kryesor të qytetit të Durrësit.
Elektroshok – U raportua se argjendaria ishte në pronësi të Gjergj Ngresit dhe se dy personat e dyshuar ishin të maskuar dhe me armë dhe kanë përdorur elektroshok për të neutralizuar shitesën.
Kamerat spiune – Kamerat e sigurisë kishin kapur momentin kur 22 vjeçari me banim në Tiranë kishte hedhur bluzën me të cilën ishte veshur kur kishte kryer grabitjen në një nga koshat e plehrave në rrugicat pranë vendit ku kishte kryer grabitjen.
Personi i arrestuar është një 22 vjeçar nga Tirana i cili akuzohet se në bashkëpunim me një person tjetër ka arritur të marrë tek kjo argjendari rreth 2 kg flori me vlerë rreth 5.6 milionë lekë
Operacioni i koduar “Argjendaria ” çoi në arrestimin e Robert Hasmuça.
Grabitja në Shkodër:
Argjendaria e grabitur në Shkodër
Ngjarja ka në qendër dy hajdutët, Francesk Vukajn,si dhe Iraldo Filipi, bashkëpunëtori i tij.
Ngjarja në fjalë ndodhi gjatë orës 03:50 të mëngjesit në shkurt në zonën e tregut valutor.
Vukaj akuzohet se me një makinë ka goditur qepenen e argjendarisë dhe më pas është futur brenda. Nga argjendaria thuhet se ka marrë një shumë prej 4-5 milionë lekë të vjetër duke marrë bizhuteri argjendi.
Më vonë, Vukaj pasi u arrestua rrëfeu se të gjitha bizhuteritë i kishte shitur, në Shkodër e Tiranë.
“Babagjyshat” në qendren tregtare
Pas grabitjes
Një grup i hajdutëve të maskuar si Babagjyshë kanë grabitur një argjendari në Tiranë dhe vlera e dëmeve arrin shifrën e 200 mijë eurove. Burime policore sqarojnë se në grabitje kanë marrë pjesë pesë persona, nga të cilët katër kanë qenë të veshur si babagjyshër të Vitit të Ri dhe personi i pestë i priste jashtë argjendarisë me makinë. Pamjet filmike të kamerave të sigurisë tregojnë katër persona të maskuar si babagjyshër, të cilët ecnin qetësisht në qendrën tregtare. Njëri prej tyre madje është ndaluar edhe nga një fëmijë i vogël, me të cilin ka luajtur për disa sekonda.
“Babagjyshërit” janë pyetur edhe nga roja private i qendrës tregtare, për të ditur se me çfarë aktivitetesh merreshin në qendrën tregtare. Më pas, grupi i babagjyshërve ka hyrë në argjendari dhe pasi kanë uruar shitësen për Krishtlindjen, i kanë drejtuar asaj armën. “Më thanë Gëzuar dhe më drejtuan armët. U tremba pa masë dhe po shikoja rreth e rrotull se çfarë kisha ndonjë gjë aty, por më pas u dhashë të gjitha ato që më kërkuan. Ata i futën në disa çanta të zeza që i nxorën nga bluza. Armët e zjarrit i mbanin brenda xhaketës së kuqe, të futur poshtë pantallonave. Zgjati vetëm dy minuta”, ka bërë me dije shitësja.
Sipas policisë, njëri prej babagjyshërve ka qenë tek dera e argjendarisë, dy të tjerët mbushnin thasët me florinjtë dhe bizhuteritë që ndodheshin aty, ndërsa i katërti mbante nën kërcënim shitësen.
Sipas policisë, e gjithë sasia e mallit që kanë grabitur katër babagjyshërit shkon rreth 150-200 mijë euro.
/AlpeNews.al
