Një lëkundje tërmeti me magnitugë 7 ballë ka goditur ishullin turistik Lombok në Indonezi, në lindje të Balit. Deri më tani, raportohet për 3 persona të vdekur.
Tërmeti ka sjellë dëme të shumta materiale. Shumë ndërtesa janë shembur plotësisht apo pjesërisht.
Raportimet në mediat ndërkombëtare flasin për një situatë kaotike të krijuar nga tërmeti: Njerëz të terrorizuar kanë vërshuar në rrugë.
Shumë hotele të ishullit, të frekuentuar kryesisht nga turistë perëndimorë janë evakuuar.
Tërmeti u regjistrua në veri të ishullit, rreth orës 18.46 me orën lokale.
Të dhënat e para tregojnë se epiqendra u lokalizua në një thellësi prej 10.5 kilometrash.
Tërmeti u ndje edhe në Bali fqinje, destinacion ky i shitur edhe nga agjencitë turistike shqiptare. Në Bali, raportohet se ka pasur dëmtime të ndërtesave dhe qendrave tregtare nga lëkundjet.
Policia i bëri thirrje popullsisë të ndjekë rregullat e sjelljes të parashikuara në këto raste.
