Presidenti serb Aleksander Vuçiç ka vendosur të thërrasë sot Këshillin e Sigurisë Kombëtare. Në mbledhje pritet të diskutohet për gjendjen e përgjithshme të sigurisë në vend, kryesisht pas deklaratave të presidentit të Kosovës, Hashim Thaci për korrigjim të kufijve mes dy vendeve.
E përditshmja Kurir tha se mbledhja mbahet sot, pikërisht në ditën kur Komuniteti i Komunave Serbe duhet të ishte formuar në Kosovë dhe Metohi.
Ndërkohë e përditshmja e Beogradit, Blic, shkruan se në takim do të diskutohet mbi mënyrat për të mbrojtur interesat dhe shtetasit serbë në Kosovë dhe Metohi.
Pas mbledhjes së Këshillit për Siguri Kombëtare, Presidenti Vuçiç do të takohet edhe me patriarkun e Kishës serbe, Irinej, takim i cili pritet të mbahet rreth orës 12:00.
