Sulmet ndaj mediave të Presidentit amerikan Donald Trump rrisin rrezikun e dhunës kundër gazetarëve, paralajmëruan ekspertët e OKB.
Në një deklaratë, David Kaye dhe Edison Lanza nga Komisioni Ndër-Amerikan për të Drejtat e Njeriut e quajtën strategjike dhe thanë se kritikat ndaj mediave dëmtuan lirinë e shtypit si edhe faktet e verifikueshme.
Komentet erdhën disa orë pasi vajza e Trump, Ivanka distancoi veten nga sulmet e babait të saj.
Trump ka kritikuar në mënyrë të përsëritur mediat para dhe gjatë presidencës së tij. Ai i ka shpallur gazetarët si armiq të popullit.
Më parë të enjten Ivanka u distancua nga kritikat e babait të saj ndaj mediave. Por Trump në një postim në Tëitter shkruan: “Ata e pyetën vajzën time Ivanka nëse mediat janë armiku i popullit apo jo. Ajo tha jo. Ky është lajm i rremë, që është një përqindje e madhe e mediave, që është armiku i njerëzve!”
