Presidenti francez Emmanuel Macron do të takohet të premtem me kryeministren britanike Theresa May, në një agjendë që përfshin edhe një darkë zyrtare në Rivierën Franceze.
Pikërisht për këtë arsye, presidenca franceze ka reaguar nëpërmjet një deklarate të zyrtare, ku ka konfirmuar besimin e plotë ndaj negociatorit të Bashkimit Europian, Michel Barnier, në lidhje me këtë proces.
“Takimi i të premtes nuk është as negociatë dhe as tentativë për të zëvendësuar negociatat e udhëhequra nga Michel Barnier. Ne i kemi besuar plotësisht negociatorit të unionit dhe ia kemi lënë atij, të merret me këtë çështje” u tha në deklaratën e presidencës franceze.
Aktualisht Theresa May po përpiqet të gjejë një marrëveshje për vendet e punës, me bllokun, edhe pas daljes së Britanisë nga BE-ja, por deri tani nuk ka një propozim që të pranohet edhe nga Brukseli, edhe nga të dy palët e partisë së përçarë të kryeministres britanike.
