Shumë gaze me efekt serrë që ndikojnë në ngrohjen e planetit dhe në çrregullimin klimatik arritën një nivel rekord në botë në vitin 2017, sipas një raporti amerikan të publikuar sot dhe të përpiluar nga qindra shkencëtarë.
Siaps këtij raporti të publikuar nga Agjencia Kombëtare Oqeanike dhe Atmosferike (NOAA) dhe shoqëria amerikane e meteorologëve, një seri elementesh tregon se ngrohja e planetit është përshpejtuar nën efektin e përdorimit të energjive fosile të cilat kanë rritur përqëndrimin e këtij gazi në atmosferë në vitin 2017.
Në vitin 2017, Donald Trump njoftoi gjithashtu daljen e SHBA-së nga marrëveshja ndërkombëtare e Parisit për klimën.
